Zec 6 | TpiKJPB | STEP | ¶ Na mi tanim, na litimapim tupela ai bilong mi, na lukluk, na, lukim, i gat fopela karis i kam ausait long namel bilong tupela maunten. Na ol maunten em i ol maunten bras.

Zechariah 6

1 ¶ Na mi tanim, na litimapim tupela ai bilong mi, na lukluk, na, lukim, i gat fopela karis i kam ausait long namel bilong tupela maunten. Na ol maunten em i ol maunten bras. 2 Long namba wan karis ol retpela hos i stap. Na long namba tu karis ol blakpela hos i stap. 3 Na long namba tri karis ol waitpela hos i stap. Na long namba foa karis ol kain kain kala na braunpela hos i stap. 4 Nau mi bekim na tokim ensel husat i toktok wantaim mi, Ol dispela em i wanem samting, bikman bilong mi 5 Na ensel i bekim na tokim mi, Ol dispela em i fopela spirit bilong ol heven, dispela i go ausait, husat i bin sanap long ai bilong Bikpela bilong dispela graun olgeta. 6 Ol blakpela hos husat i stap insait long en i go ausait i go long hap bilong hap not. Na ol waitpela i go ausait i bihainim ol. Na ol kain kain kala i go ausait i go long hap bilong hap saut. 7 Na ol braunpela i go ausait, na painim rot long go inap long ol i ken wokabaut i kam i go namel long dispela graun. Na em i tok, Yupela go long hap, wokabaut i kam i go namel long dispela graun. Olsem na ol i wokabaut i kam i go namel long dispela graun. 8 Nau em i singaut antap long mi, na tokim mi, i spik, Lukim, ol dispela husat i go long hap bilong hap not i bin mekim spirit bilong mi stap isi long hap bilong hap not. 9 ¶ Na tok bilong BIKPELA i kam long mi, i spik, 10 Kisim bilong ol bilong ol kalabus, yes, bilong Heldai, bilong Tobaisa, na bilong Jedea, husat i lusim Babilon i kam, na yu kam long dispela de stret, na i go insait long haus bilong Josaia, pikinini man bilong Sefanaia. 11 Nau kisim silva na gol, na wokim ol hat king, na putim ol antap long het bilong Josua, pikinini man bilong hetpris Josedek. 12 Na toktok i go long em, i spik, BIKPELA bilong ol ami i toktok olsem, i spik, Lukim man husat nem bilong Em em i HAN BILONG DIWAI. Na Em bai kamap bikpela ausait long ples bilong Em, na Em bai wokim tempel bilong BIKPELA. 13 Yes, Em bai wokim tempel bilong BIKPELA. Na Em bai karim glori, na Em bai sindaun na bosim antap long sia king bilong Em. Na Em bai stap wanpela pris antap long sia king bilong Em. Na tok helpim bilong bel isi bai stap namel long tupela. 14 Na ol hat king bai stap bilong Helem, na bilong Tobaisa, na bilong Jedea, na bilong Hen, pikinini man bilong Sefanaia, bilong wanpela samting bilong holim tingting insait long tempel bilong BIKPELA . 15 Na ol husat i stap longwe bai kam na wokim samting insait long tempel bilong BIKPELA, na yupela bai save long BIKPELA bilong ol ami i bin salim mi i kam long yupela. Na dispela bai kamap olsem, sapos yupela bai bihainim strong nek bilong BIKPELA, God bilong yupela.